WELCOME TO THE OFFICIAL BLOG FOR THE MINISTRY OF INFORMATION, YOUTH, CULTURE AND SPORTS: YOU MAY CONTACT US VIA WWW.HABARI.GO.TZ/EMAIL US TO maelezopress@yahoo.com WE ARE ALSO AVAILABLE ON FACEBOOK www.facebookcom/Habari Maelezo. KARIBUNI

Monday, 31 August 2015

Watanzania wahimizwa kutumia huduma za Bima.



Jovina Bujulu
Watanzania theluthi mbili hawana ufahamu wa kutosha kuhusu namna Bima inavyofanya kazi nchini hasa Bima ya Maisha na Mali.

Hayo yamesemwa na Kamishna wa Bima nchini Bw. Israel Kamuzora alipokuwa akifunga mafunzo ya wiki ya huduma kifedha na uwekezaji mwishoni mwa wiki jijini Dar es salaam.

Kamuzora aliwataka washiriki wa mafunzo hayo kueneza ujuzi na ufahamu waliopata ili wananchi walio wengi waweze kunufaika na huduma za bima nchini.

“Ninawaomba muwe mabalozi wazuri wa kueneza ufahamu juu ya faida za Bima kwa ndugu, jamaa na marafiki ambayo ni mojawapo ya mbinu za kujilinda kimaisha na kujikwamua katika umasikini”. Alisema Kamuzora.

Kamuzora alisema kuwa kwa upande wao kama waratibu wa huduma za Bima nchini wanao wajibu wa kuendelea kujenga mazingira ambayo ni rafiki na wezeshi kwa watoa huduma  ya Bima ili waendelee kuwa wabunifu katika kufikisha huduma hiyo kwa Watanzania wenye uwezo mkubwa na mdogo.

Aidha, Bw. Kamuzora alisema kuwa mpango wa Taifa wa huduma Jumuishi za kifedha nchini unalenga kuwafikia watu wazima asilimia 50 wanaotumia huduma rasmi za kifedha ifikapo mwaka 2016.

Ili kufanikisha mpango huo, Bw. Kamuzora alitoa wito kwa taasisi za kifedha na za utafiti wa sayansi kuendelea kushirikiana na mamlaka ya Bima kuona namna ya kuendeleaza matumizi ya simu za mkononi kwa ajili ya kuwapatia wananchi fursa ya kupata huduma za Bima ili kulinda mali na maisha ya Watanzania waliowengi.

Hadi sasa nchini, takwimu zinaonyesha kuwa karibu asilimia 90 ya wenye simu za mkononi nchini wanatumia huduma za fedha za simu ziliongeza ndugu Kamuzora.
Mafunzo ya wiki ya huduma za kifedha na uwekezaji yalipambwa kwa kauli mbiu inayosema “Maisha ni Duni Bila Bima” yaliwahusisha wajariamali, benki, na kampuni za Bima yalidhaminiwa na kampuni ya NUEBRAND na Shirika la PESCODE.

Watumia mitandao kinyume cha sheria kudhibitiwa kuanza saa sita usiku.



Na Magreth Kinabo 
Sheria mpya   ya Makosa ya Mtandao ya mwaka   2015 na Sheria ya Miamala ya Kielektroniki ya mwaka 2015 zitaanza kutumika rasmi kesho Septemba Mosi mwaka huu, hivyo watumiaji   na watoa huduma waaswa kuzingatia sheria hizi ili kuepuka mkondo wa sheria.

 Kauli hiyo imetolewa leo na Waziri wa Mawasiliano, Sayansi na Teknolojia, Profesa Makame Mbarawa wakati akizungumza na waandishi wa habari jijini Dares Salaam kwenye ukumbi wa mikutano wa wizara hiyo.

“Sheria hizi ni nzuri zitaanza kutumika Septemba Mosi mwaka  huu,kuanzia saa 6.00 usiku . zina maslahi katika nchi yetu. Ninatoa wito kwa wananchi kuzingatia matumizi salama ya mtandao kwa manufaa yako na maendeleo ya Taifa letu,” alisema Profesa Mbarawa.
 Aliongeza kuwa sheria hiyo ya makosa ya mtandao ya mwaka 2015 hazihitaji utungaji wa kanuni kwa kuwa iko wazi.
 Alisema tayari wizara imeanza kuelimisha watu kuhusu sheria hiyo na itendelea kuwajengea uwezo wadau mbalimbali.
Profesa Mbarawa alisema sheria ya makosa ya mtando ya mwaka 2015 na Tanzania sio nchi ya kwanza kuwa nayo, bali nchi mbalimbali zina sheria kama hiyo ,ambapo alitolea mfano Uingereza,India,Malaysia, Uganda na Korea ya Kusini.

 Akizungumzia kuhusu  madai sheria hiyo kuhusika na suala la Uchaguzi Mkuu, alisema si kweli, bali imekamilika katika kipindi hicho ndio maana baadhi ya watu wanadai hivyo.Aliongeza kwamba sheria hiyo imetunga ili kudhibiti matumizi ambayo  si mazuri. 

“ Mtu akitumiwa ujumbe akiupokea hapaswi kuisambaza  kwani atakapousambaza atakuwa na amefanya kosa,”alisisitiza.

Aliyataja baadhi ya makosa kuwa ni usiri, usalama wa upatikanaji wa taarifa za kompyuta na mifumo  kama vilekuingilia mawasiliano ya kompyuta au mifumo ya kompyuta kinyume cha sheria na wizi wa taarifa kimtandao.

Makosa  dhidi ya kompyuta ikiwa ni pamoja na,udanganyifu kwa kutumia kompyuta,kugushi kwa kutumia kompyuta wizi wa utambulisho wa mtu binafsi  mtandaoni, matumizi ya vifaa kinyume cha sheria.

  Makosa yanayohusiana kimaudhui kama vile usambazaji wa ponografia, ponografia za watoto makosa dhidi ya ubaguzi wa rangi na chuki, michezo ya kmari mtanadaoni kiunyume cha sheria, kashfa na habari za uongo na makosa dhidi ya haki na hati miliki.

Pia inatambua muungano wa makosa inajumuisha kama vile utakatishaji wa fedha haramu na ugaidi kwa kutumia mtandao.

Kwa upande wa sheria ya miamala ya kieletroniki ya mwaka 2015, baadhi ya makosa likiwemo la wajibu wa watoa huduma kwa walaji, bidhaa ,huduma au mawasiliano ambayo hayajaombwa na uhalali wa Muamala wa elektroniki.

Aliongeza kuwa kanuni za sheria hiyo zinatayarishwa zikiwa tayari zitangazwa  na zitaanza kutumika wakati wowote.

Serikali Kuimarisha miundo mbinu ya reli nchini



Na JenikisaNdile
Serikali kwa kushirikiana na kampuni ya reli Asset holding imejidhatiti kuimarisha miundo ya mbinu ya reli itakayogharimu Tsh. Trilioni 16 katka luleta maendeleo endelevu nchini.

Akizungumza nha waandishi wa habari leo jijini dare s salaam waziri wa uchukuzi Mhe. Samweli sitta amesema kuwa  mkakati ni kuinarisha  reli  katika maeneo mbalimbali nchini.

Aliongeza kuwa maeneo yatakayonufaika na uboreshwaji wa miundo mbinu hiyo ni pamoja na Songa Mpiji. Mtwara hadi Mbambabay, Songeaa hadi Mchuchuma na mradi mpya wa reli ya kutoka Dar es Salaam hadi Bagamoyo.

“Lengo  la miradi hii ni kuhakikisha kuwa tunaleta maendeleo ya kiuchumi  kwa kujipatia fedha za kigeni ambazo  zitatokana na usafirishaji wa mizigo nje ya nchi “ amesema Mhe. Sitta.

Aliongeza kuwa miradi hiyo inatarajiwa kuanza mwanzoni mwa mwezi wa tisa  ambapo Rais wa Jamuhuri ya Muungano wa Tanzania Mhe. Dkt.Jakaya Kikwete ataweka jiwe la msingi tayari kwa utekelezaji.

Aidha alibainisha kuwa kwa kuimarisha miundo mbinu ya reli kutasaidia katika kurahisisha usafirishaji wa mizigo yenye uzito mkubwa kama mafuta, makaa ya mawe na chuma ndani na nje ya nchi.

Sunday, 30 August 2015

Televisheni ya Star Times yazindua kipindi cha Mashariki Max

Makamu wa Rais wa Star Times Group kutoka Beijing China Michael Dearharm akitoa hotuba ya uzinduzi wa kipindi cha Mashariki Max kitakachokuwa kinarushwa na Televisheni ya Star Times katika nchi za Afrika Mashariki wakati wa hafla ya uzinduzi huo  jijini Dar es salaam.
Mkurugenzi Mtendaji wa Star Times Group nchini Langtang Liao akimkaribisha Makamu wa Rais wa Star Times Group kutoka Beijing China Michael Dearharm wakati wa hafla ya uzinduzi wa kipindi cha Mashariki Max kitakachokuwa kinarushwa na Televisheni ya Star Times.
Mtayarishaji wa Kipindi cha Mashariki Max kitakachokuwa kinarushwa na Televisheni ya Star Times katika nchi za Afrika Mashariki Roby Bresson akiwatambulisha watangazaji wa kipindi cha Mashariki Max kitakachokuwa kinarushwa na Televisheni ya Star Times Jokate Mwegelo na Sarah Hassan (hawapo pichani) wakati wa uzinduzi wa kipindi hicho jijini Dar es salaam.
Watangazaji wa kipindi cha Mashariki Max kitakachorushwa na Televisheni ya Star Times wakati wa uzinduzi wa kipindi hicho jijini Dar es salaam. Kulia ni Jokate Mwegelo na Sarah Hassan (kushoto).
Mtangazaji wa kipindi cha Mashariki Max kitakachorushwa kupitia Televisheni ya Star Times Jokate Mwegelo (katikati) akiwa katika picha ya pamoja na Makamu wa Rais wa Star Times Group kutoka Beijing China Michael Dearharm (kushoto) wakati wa hafla ya uzinduzi huo jijini Dar es salaam. Kulia ni Mkurugenzi Mtendaji wa Star Times Group nchini Langtang Liao.
Mtangazaji wa kipindi cha Mashariki Max kitakachorushwa kupitia Televisheni ya Star Times Jokate Mwegelo (katikati) akiwa katika picha ya pamoja na Makamu wa Rais wa Star Times Group kutoka Beijing China Michael Dearharm (kushoto) wakati wa hafla ya uzinduzi huo jijini Dar es salaam. Kulia ni Mkurugenzi Mtendaji wa Star Times Group nchini Langtang Liao.
Mkurugenzi wa Idara ya Habari kutoka Wizara ya Habari, Vijana, Utamaduni na Michezo Assah Mwambene (wa pili kulia) na Mkurugenzi Mtendaji wa Star Times Group nchini Langtang Liao (wa tatu kulia) wakifuatilia uzinduzi wa kipindi cha Mashariki Max kitakachorushwa kupitia Televisheni ya Star Times wakati wa uzinduzi wa kipindi hicho jijini Dar es salaam. Wa kwanza kushoto ni Mkurugenzi Mtendaji wa Shirika la Utangazaji Tanzania (TBC) Clement Mshana.
Baadhi ya wageni waliohudhuria hafla ya uzinduzi wa kipindi cha Mashariki Max kitakachorushwa kupitia Televisheni ya Star Times.
(Picha na Eleuteri Mangi)

Na Eleuteri Mangi
Sekta ya michezo nchini inazidi kuimarika na kuongeza fursa kwa wanamichezo na wapenda michezo nchini kwa kuzileta pamoja nchi za Afrika ya Mashariki kwa kurusha ligi za michezo mbalimbali kutoka nchi hizo kupitia Televisheni ya Star Times.

Kauli hiyo imetolewa na Makamu wa Rais wa Star Times Group kutoka Beijing China Michael Dearharm alipokuwa akitoa hotuba ya uzinduzi wa kipindi cha Mashariki Max kitakachorushwa kupitia televisheni hiyo wakati wa hafla ya uzinduzi kipindi hicho  hivi karibuni jijini Dar es salaam.

Bwa. Michael alisema kuwa Star Times Group wameamua kuanzisha kipindi hicho ambacho kinalengo la kuwaelimisha na kuburudisha wananchi wa nchi za Afrika ya Mashariki kwa kuwaunganisha kupitia michezo.

“Tumeamua na kudhamiria kuleta pamoja nchi za Afrika ya Mashariki kwa kuwaunganisha kupitia kipindi cha Mashariki Max na vipindi vingine vitakavyorushwa na TV yetu kwa mfumo wa digitali na kwa gharama nafuu kwa watumiaji wa huduma yetu” alisema  Bwa. Michael.

Pamoja na kipindi cha Mashariki Max, vipindi vingine vitavyorushwa na TV hiyo ni ligi za mpira wa miguu kutoka nchi za Afrika Mashariki za Tanzania, Kenya, Uganda, Rwanda na Burundi ambapo mpaka sasa kuna vituo vya kurushia matangazo vitatu katika nchi za Tanzania, Uganda na Kenya.

Zaidi ya ligi za nchi za Afrika Mashariki, kituo hicho cha TV kimejipanga kurusha matangazo ya ligi ya mpira wa miguu na michezo mingine kutoka nchi za Ujerumani, Italia na Ufaransa.

Kwa upande wake Mtayarishaji na Muandaaji wa vipindi mbalimbali vinavyorushwa na kituo hicho Roby Bresson alisema kuwa kituo chao kimejipanga kuendelea kuwaunganisha wananchi wa nchi za Jumuiya ya Afrika Mashariki kwa kurusha vipindi vyao kwa kutumia lugha ya Kiswahili ambayo ndiyo kiunganishi kikuu katika mawasiliano miongoni mwa nchi hizo.

Aidha, Roby alisema kuwa nchi za Afrika zina mambo mengi mazuri ambayo dunia inapaswa kuyajua na kuyathamini badala ya dhana iliyojengeka kuwa bara la Afrika imegubikwa kwa mambo yenye mtazamo hasi.